Sa Sardigna e Roma

S'istòria de sos raportos intre Roma e sa Sardigna tenet cumintzu in antis meda de su su momentu chi, in su 238 a.C., s'ìsula colat suta de su domìniu diretu de sos Romanos.
Est dàbile chi giai in su VI sec. a.C. su primu tratadu intre Roma e Cartàgine decretaret sa possibilidade pro Roma de esertzitare sos tràficos cummertziales pròpios in Sardigna. In s'IV sec. a.C. faghet a ipotizare sa fundatzione de sa colònia romana de Feronia (Pasada) subra de sa costa orientale de s'ìsula.

Est su segundu tratadu intre Roma e Cartàgine (348 a.C.) chi proibit a sos Romanos de atzèdere e de fundare tzitade in Sardigna.

Sa fine de sa prima gherra pùnica, aende·si concruida cun sa vitòria de Roma subra de Cartàgine, determinat su coladòrgiu de sa Sardigna suta de su domìniu romanu. Su coladòrgiu non torraiat intre sas clàusolas de su tratadu de paghe istipuladu in su 241 a.C., ma scaturì de sa detzisione de Roma de aderire a sa rechesta de agiudu de sos mertzenàrios de Cartàgine de aposentu in Sardigna, aende·si rebellados a càusa de s'impossibilidade pro Cartàgine de pònnere fronte a sas issoro rechertas de pagamentu.

In su 227 Roma creat una noa provìntzia chi cumprendet sa Còrsica, sa Sardigna e sas ìsulas in tundu. Benit gasi decretadu formalmente s'efetivu controllu de Roma subra de sa Sardigna, chi at a abarrare domìniu romanu finas a su coladòrgiu (acontèssidu intre su 460 e su 467 d.C.) suta de su controllu de sos Vàndalos.

Su perìodu de dominatzione romana de sa Sardigna est una fase istòrica chi at a contribuire in manera significativa a sa definitzione de sos connotados culturales de sos sardos. Indiscutìbile testimonia de custu datu difatis nche benit ofertu dae su panorama linguìsticu isolanu, a fundu signadu ancora oe de sas orìgines latinas pròpias.nde.

Aggiornamento

20/9/2023 - 09:43