Sa Die de sa Sardigna

Sa Die de sa Sardigna est sa festa de su pòpulu sardu chi ammentat sos gai narados "Vespri Sardi", est a nàrrere s'insurretzione populare de su 28 abrile 1794 cun su cale si fiant istesiados de Casteddu sos Piemontesos e su vitzeré Balbiano de sighida a su refudu de su guvernu torinesu de satisfàghere sas rechertas de s'ìsula titulare de su Regnu de Sardigna.

Sos Sardi pediant ite benneret issoro riservada un'ala de sos impreos tziviles e militares e una majore autonomia respetu a sas detzisiones de sa classe dirigente locale. Su guvernu piemontesu aiat refudadu de acollire cale si chi siat recherta, pro custu sa burghesia tzitadina cun s'agiudu de su restu de sa populatzione aiat iscadenadu su movimentu insurretzionale.

Su movimentu de rebellia fiat comintzadu giai in sos annos Otanta de su Setighentos e fiat sighidu in sos annos Noranta tochende totu s'ìsula. Sas resones fiant de òrdine polìticu e econòmicu paris.

Su motivu de su malcontento pobulare fiat dèvidu fintzas a su fatu chi sa Sardigna fiat istada interessada in sa gherra de sa Frantza rivolutzionària contra sos istados europeos e duncas contra su Piemonte. In su 1793 una flota frantzesa aiat intentadu de impadronirsi de s'ìsula, isbarchende a Carluforti e insistende posca fintzas a Casteddu. Sos Sardi però aiant opostu resistèntzia cun ogni mèdiu, in defensa de sa terra issoro e de sos Piemontesos chi dominaiant tando in Sardigna. Custa resistèntzia a sos Frantzesos teniat entusiasmato l'ànimas, pro custu nche s'isetaiat unu reconnoschimentu e un'acumpensu de su guvernu sabàudu pro sa fidelidade dimustrada a sa Corona.

S'ischintidda chi aiat fatu esplòdere sa cuntestatzione fiat istadu s'arrestu ordinadu dae su vitzeré de duos capos de su partidu patriòticu, sos abogados cagliaritani Vincenzo Cabras e Efisio Pintor. Semus apuntu in su 28 abrile de su 1794: sa populatzione inferocita aiat detzìdidu de istesiare de sa tzitade su vitzeré Balbiano e totu sos Piemontesos, chi in su mese de maju de cuddu annu fiant istados imbarcados cun sa fortza e rispediti in sa regione issoro. Animados dae sos fatos cagliaritane, sos abitantes de S'Alighera e Sassari aiant fatu ateretantu.

Aggiornamento

24/4/2024 - 17:17